Radhët e gjata, Makolli fajëson doganizerët serbë

Ministri i Diasporës, Ibrahim Makolli, i ka bërë fajtorë doganierët serbë për kolonat e gjata të krijuara nëpër pikat kufitare. Megjithatë, sipas Makollit, mërgimtarët nuk duhet të ankohen për pritje të gjata, ngase kjo ndodh në gjithë botën kur ka fluks të madh kalimtarësh nëpër pikat kufitare.
Ministri Makolli ka menduar që vitin e ardhshëm të eliminojë këtë problem, duke hapur kështu edhe pika të tjera kufitare, transmeton KTV. Vikendin e kaluar mërgimtarët të cilët po ktheheshin në vendet ku jetojnë janë detyruar të presin deri në 12 orë nëpër pika kufitare. Vetëm në pikën kufitare me Serbinë, te “Dheu i Bardhë”, kolona me automjete ishte e gjatë deri në pesë kilometra. /Indeksonline/