Majlinda, kampione e botës

Majlinda Kelmendi ka fituar medaljen e artë në Kampionatin botëror, i cili është duke u mbajtur në Rio de Janeiro. Xhudistja kosovare, në finalen e kategorisë 52 kilogramë, ka mposhtur brazilianen, Erika Miranda.

Xhudistja nga Kosova, Majlinda Kelmendi ka mposhtur portugezen 31-vjeçare, Joana Ramos, e cila ishte e 64-ta në renditje botërore deri në 52 kg. Ndërsa në rrethin e tretë, ajo ka mposhtur francezen, Priscila Gneto. Kelmendi, e cila është numër një në renditjen botërore është favorite për medaljen e artë. /Indeksonline/